لو عارف اني هفارقك
بعد الحُضن بـ ساعتين
انا كنت حضنتك ياما
يمكن في الثانية سنين
كان ممكن ناخد حُضن
- ونبدّل فيه ضِلعين -
كان ممكن نكسب وقت
ويبات جسمي بـ قلبين
او جسمك ياخد رِئتي
ويعيش زيي بـ رئتين
نظْرت عينك في عينيا
وكلامك قبل ما اموت
الصرخة فـ قلبك عاليه
بتسمّع من غير صوت
كان نفسي اخدك جوايا
من قبل الموت لو ثانية
- لكن يمكن مكتوبلي -
اخدك في الدنيا التانيه
لـ محمد ثروت
ليست هناك تعليقات:
إرسال تعليق